鼓声若响

新宝岛康乐队( New Formosa Band )

(Intro:Dino/China Blue乐团)
作词:陈升
作曲:陈升

阿爸你甘也有在听 听到阮用心唱的歌声
不管落雨天 或是风台天 阮是跑江湖的艺人
阿娘你甘ㄟ有知影 阮在那外头真正打拼
不敢来耽误 当时的诅咒 抹让你亲戚头前咽气

若听到鼓声 阮的心情较快活
攀过了一山又一岭 演唱阮甜蜜的歌声
若听到鼓声 阮的心情会快活
没料到环境的拖磨 唱出阮悲情的歌声

心爱的 你甘也会谅解 阮会来离开是不得已
三餐得要吃 不通来畏寒 想到你不敢来哭出声
若听到鼓声 阮的心情会快活
攀过了一山又一岭 演唱阮甜蜜的歌声
若听到鼓声 阮的心情会沉重
摇动不情愿的屁股花 全为你风流的人客兄

若听到鼓声 阮的心情就快活
拿出阮俐落的本领 演唱阮哀怨的歌声
若有听到鼓声 阮的心情就快活
不要当做阮风度轻浮 全望你热情的人客兄
歌声真迷人 阮的心情是暗淡
日日夜夜在作梦 转来去 我温暖的故乡

◆台语正字及罗马字歌词◆

阿爸你敢犹有咧听
A-pah lí kám iá-ū leh thiann,
听着阮用心唱的歌声
thiann-tio̍h guán iōng-sim tshiùnn ê kua-siann.

毋管落雨天 抑是风台天
M̄-kuán lo̍h-hōo-thinn, ia̍h-sī hong-thai-thinn,
阮是走江湖的艺人
gún sī tsáu kang-ôo ê gē-lâng.

阿娘你敢也会知影
A-niâ lí kám iá ē tsai-iánn,
阮伫咧外口真正拍拼
gún tī-leh guā-thâu tsin-tsiànn phah-piànn.

毋敢来耽误 当时的咒誓
M̄-kánn lâi tam-gōo, tong-sî ê tsiù-tsuā,
袂予你亲情头前厌气
buē hōo lí tshin-tsiânn thâu-tsîng iàn-khuì.

若听着鼓声 阮的心情较快活
Nā thiann-tio̍h kóo-siann, guán ê sim-tsîng khah khuìnn-ua̍h,
盘过了一山又一岭
puânn kuè liáu tsi̍t suann iū tsi̍t niá,
演唱阮甜蜜的歌声
ián-tshiùnn gún tinn-bi̍t ê kua-siann.

若听着鼓声 阮的心情会快活
Nā thiann-tio̍h kóo-siann, guán ê sim-tsîng ē khuìnn-ua̍h,
无疑悟环境的拖磨
bô-gî-gôo huân-kíng ê thua-buâ,
唱出阮悲情的歌声
tshiùnn tshut gún pi-tsîng ê kua-siann.

心爱的 你敢犹会谅解
Sim-ài--ê, lí kám iá ē liōng-kái,
阮会来离开是不得已
gún ē lâi lī-khui sī put-tik-í.
三顿著爱食 毋通来畏寒
Sann-tǹg tio̍h ài tsia̍h, m̄-thang lâi uì-kuânn,
想着你毋敢来哭出声
siūnn-tio̍h lí m̄-kánn lâi khàu tshut-siann.

若听着鼓声 阮的心情会快活
Nā thiann-tio̍h kóo-siann, guán ê sim-tsîng ē khuìnn-ua̍h,
盘过了一山又一岭
puânn kuè liáu tsi̍t suann iū tsi̍t niá,
演唱阮甜蜜的歌声
ián-tshiùnn gún tinn-bi̍t ê kua-siann.

若有听着鼓声 阮的心情会沉重
Nā thiann-tio̍h kóo-siann, guán ê sim-tsîng ē tîm-tāng,
摇动不情愿的尻川䫌
iô-tāng put tsîng-guān ê kha-tshng-phué,
全为你风流的人客兄
tsuân uī lí hong-liû ê lâng-kheh-hiann.

若听着鼓声 阮的心情就快活
Nā thiann-tio̍h kóo-siann, guán ê sim-tsîng tiō khuìnn-ua̍h,
提出阮扭掠的本领
the̍h-tshut gún liú-lia̍h ê pún-niá,
演唱阮哀怨的歌声
ián-tshiùnn gún ai-uàn ê kua-siann.

若有听着鼓声 阮的心情就快活
Nā ū thiann-tio̍h kóo-siann, guán ê sim-tsîng tiō khuìnn-ua̍h,
毋通当做阮风度轻浮
m̄-thang tòng-tsuè gún hong-tōo khin-phû,
全望你热情的人客兄
tsuân bāng lí jia̍t-tsîng ê lâng-kheh-hiann.

歌声诚迷人 阮的心情是暗淡
Kua-siann tsiânn bê-lâng, guán ê sim-tsîng sī àm-tām,
日日夜夜咧做梦
ji̍t-ji̍t-iā-iā leh tsuè-bāng,
转来去我 我温暖的故乡
tńg-lâi-khì guá, guá un-luán ê kòo-hiong.


歌曲:鼓声若响
演唱:新宝岛康乐队( New Formosa Band )
作词:陈升
作曲:陈升