《乡下少女》Hiong-hā Siàu-lú
江蕙Kang Huī
艳红的黄昏日头
iām-âng ê hông-hun ji̍t-thâu
渐渐坠落西
tsiām-tsiām tuī-lo̍h sai
暗风微微吹来
àm-hong bî-bî tshe--lâi
打动阮心内
tánn-tōng gún sim-lāi
阮是乡下的少女
gún sī hiong-hā ê siàu-lú
初次来到的都市
tshoo-tshù lâi-kàu ê too-tshī
啊~无限欢喜
ah~ bô-hān huann-hí
暗中又惊疑
àm-tiong iū kiann-gî
离开着故乡的时
lī-khui tio̍h kòo-hiong ê sî
爸爸也交代
pá-pah iā kau-tài
叫阮跤踏实地
kiò gún kha ta̍h si̍t-tē
出外爱忍耐
tshut-guā ài jím-nāi
妈妈对阮也关怀
má-mah tuì gún iā kuan-huâi
安慰叫阮免悲哀
an-uì kiò gún bián pi-ai
啊~欢喜目屎
ah~ huann-hí ba̍k-sái
强欲流出来
kiōng-beh lâu--tshut-lâi
踮他乡不比厝内
tiàm thann-hiong put-pí tshù-lāi
奋斗才应该
hùn-tàu tsiah ìng-kai
人无实实在在
lâng bô si̍t-si̍t-tsāi-tsāi
哪有好将来
ná-ū hó tsiong-lâi
虽然世事阮毋知
sui-jiân sè-sū gún m̄-tsai
毋通缀人来学歹
m̄-thang tè lâng lâi o̍h pháinn
啊~毋通辜负
ah~ m̄-thang koo-hū
爸母的慈爱
pē-bú ê tsû-ài