作词：陈达儒
作曲：姚赞福
天闷闷 日头渐黄昏 鸟只啼叫小山仑
岭顶春花亦亲像要困 啊～ 黄昏引动阮青春
城闷闷 灯火照黄昏 双双对对娘伴君
孤阮一人闷闷的休困 啊～ 黄昏引动阮青春
心闷闷 为著日黄昏 孤星伴月结成群
见景伤情加添阮心闷 啊～ 黄昏引动阮青春
《黄昏城》Hông-hun Siânn
江蕙Kang Huī
天闷闷
thinn būn-būn
日头渐黄昏
ji̍t-thâu tsiām hông-hun
鸟只啼叫小山仑
tsiáu-tsiah thî-kiò sió suann-lūn
岭顶春花也亲像欲困
niá-tíng tshun-hue iā tshin-tshiūnn beh khùn
啊~黄昏引动阮青春
ah~ hông-hun ín-tāng gún tshing-tshun
城闷闷
siânn būn-būn
灯火照黄昏
ting-hué tsiò hông-hun
双双对对娘伴君
siang-siang tuì-tuì niû phuānn kun
孤阮一人闷闷咧歇困
koo gún tsi̍t-lâng būn-būn teh hioh-khùn
啊~黄昏引动阮青春
ah~ hông-hun ín-tāng gún tshing-tshun
心闷闷
sim būn-būn
为著日黄昏
uī-tio̍h ji̍t hông-hun
孤星伴月结成群
koo-tshinn phuānn-gue̍h kiat sîng-kûn
见景伤情加添阮心闷
kiàn-kíng siong-tsîng ka-thiam gún sim-būn
啊~黄昏引动阮青春
ah~ hông-hun ín-tāng gún tshing-tshun