作词：谢丽燕
作曲：佚名
来来来来锣声鼓声响四边 现在总请列位众兄弟
阮一行三五名 为著名声拼生命
啊！请恁紧来看 流浪江湖的硬软的功夫 紧来紧来紧来啦
来来来来今日有缘来相逄 明日就欲搁再换别位
太祖拳像铁枝 白鹤拳是像麻薯
啊！请恁紧来看 流浪江湖的硬软的功夫 紧来紧来紧来啦
口白：来来来，看看看，人济话著济，三色人讲五色话，
有人爱食菜花，吗有人爱苦瓜。
有人爱看弄楼，也吗有人爱看拳头。
来！大家偎来参考，若爱看拳头免惊无，
日本力道山是好手刀兼柔道，抑若美国，
鼻子督督，目睭浊浊，若欲看二步仔伊著才算会和，
抑若印度乌佮大箍是通人知，若中国，达摩功夫是最利害。
抑若小是真不才，腹肚若枵著全步数，仰腹肚若饱就无半步。
看！太祖拳是打硬技，若白鹤拳是像麻薯，
猴拳是好脚手，狗拳是食目睭。
嗒！看这步吞刭放胛，起手落插
也～这脚手着要钖打 若无会像在咧眠床顶跳伦巴
来！看乎真 这步叫做童子拜观音 目睭着要沙乎金
才昧桌布看做面巾
也～这步就是落地的猛虎 目睭若欲格库库 内衫会看做内裤
搁来看乎好 这步叫做关公倒拖刀 动作若无做好
昧前打会家己先倒 续落就是山人挽仙桃
挽若著 后代敢会找无
也～搁来就是凌波洗身躯的格势 不是准备欲出嫁
但是请各位要看乎详细 才昧乎凌波歹势
来！搁来犹较好 不是欲相褒 也不是欲跳曼波
就是欲拳头拼柔道 抑若欲好就愈续去愈好啦