旧伤痕

杨宗宪( Ken )

日黄昏点起一支烟 孤单的阮为何心忧闷
窗外雨声一阵阵 窗内的心情乱纷纷 搁想起彼的时阵
一只船飘流无人问 亲像是阮一生的情恨
无什咪倘怨恨 想起着心酸酸
惦无望的时阵 才来打开心内的门
甘讲这一生这一世永远袂当掩盖的伤痕
搁要为你增加一分 心断做一寸一寸
甘讲这一生这一世永远袂当消失的伤痕
犹原袂当解脱咱的命运

------------------------------------------

6636/《旧伤痕》Kū Siong-hûn
杨宗宪Iûnn Tsong-hiàn

日黄昏
ji̍t hông-hun
点起一枝薰
tiám khí tsi̍t-ki hun
孤单的阮
koo-tuann ê gún
为何心忧闷
uī-hô sim iu-būn
窗外雨声一阵阵
thang-guā hōo-siann tsi̍t-tsūn-tsūn
窗内的心情乱纷纷
thang-lāi ê sim-tsîng luān hun-hun
阁想起彼个时阵
koh siūnn-khí hit ê sî-tsūn

一只船
tsi̍t-tsiah tsûn
飘流无人问
phiau-liû bô-lâng mn̄g
亲像是阮一生的情恨
tshin-tshiūnn sī gún it-sing ê tsîng-hūn
无啥物通怨恨
bô-siánn-mih thang uàn-hūn
想起就心酸酸
siūnn-khí tiō sim-sng-sng
踮无望的时阵
tiàm bô-bāng ê sî-tsūn
才来拍开心内的门
tsiah lâi phah-khui sim-lāi ê mn̂g

敢讲这一生这一世
kám-kóng tse it-sing tse it-sè
永远袂当掩崁的伤痕
íng-uán buē-tàng am-khàm ê siong-hûn
阁爱为你增加一分
koh ài uī lí tsing-ka tsi̍t-hun
心断做一寸一寸
sim tn̄g tsuè tsi̍t-tshùn-tsi̍t-tshùn
敢讲这一生这一世
kám-kóng tse it-sing tse it-sè
永远袂当消失的伤痕
íng-uán buē-tàng siau-sit ê siong-hûn
犹原袂当解脱咱的命运
iu-guân buē-tàng kái-thuat lán ê miā-ūn


歌曲:旧伤痕
演唱:杨宗宪( Ken )