杨宗宪( Ken )

作词:李岩修
作曲:徐嘉良

不曾按呢牵着你的双手
你讲作工啊手无够幼
哪有好觅双手甲阮让
要阮趁烧来享受
我要轻轻牵着你的双手
像我细汉那款的模样
捧前袒后顾惦阮左右
你用一生只为阮想
粗粗的手微微的哀愁
不曾消退是温柔
你用青春攀过春甲秋
所有苦拢接受
换我牢牢牵着你的双手
乎你的心稳稳免担忧
我的心意你就要接受
你是我幸福的理由

------------------------------------------

6631/《手》Tshiú
杨宗宪Iûnn Tsong-hiàn

毋捌按呢牵着你的双手
m̄-bat án-ne khan tio̍h lí ê siang-tshiú
你讲做工啊手无够幼
lí kóng tsuè-kang--ah tshiú bô-kàu iù
若有好物双手共阮让
nā ū hó-mi̍h siang-tshiú kā gún niū
爱阮趁烧来享受
ài gún thàn-sio lâi hiáng-siū

我欲轻轻牵着你的双手
guá beh khin-khin khan tio̍h lí ê siang-tshiú
像我细汉彼款的模样
tshiūnn guá sè-hàn hit khuán ê bôo-iūnn
捀前挺后顾踮阮左右
phâng tsîng thánn āu kòo tiàm gún tsó-iū
你用一生只为阮想
lí iōng it-sing tsí uī gún siūnn

粗粗的手微微的哀愁
tshoo-tshoo ê tshiú bî-bî ê ai-tshiû
毋捌消退是温柔
m̄-bat siau-thè sī un-jiû
你用青春盘过春佮秋
lí iōng tshing-tshun puânn kuè tshun kah tshiu
所有苦拢接受
sóo-ū khóo lóng tsiap-siū

换我絚絚牵着你的双手
uānn guá ân-ân khan tio̍h lí ê siang-tshiú
予你的心稳稳免担忧
hōo lí ê sim ún-ún bián tam-iu
我的心意你著爱接受
guá ê sim-ì lí tio̍h-ài tsiap-siū
你是我幸福的理由
lí sī guá hīng-hok ê lí-iû


歌曲:手
演唱:杨宗宪( Ken )
作词:李岩修
作曲:徐嘉良