心爱的人实在可恨

黄乙玲( Yee-ling Huang )

想伊想甲黄昏愈想愈爱愈恨 一夜无声无讲无困
心事一阵一阵胭脂抹著双唇 啊是阮等待的青春
恋梦乱乱纷纷愈想愈无分寸 一夜无风无月无云
大雨一阵一阵相思滴落眠床 又一点一滴到黄昏

阵阵滴答滴答滴雨声哪通笑阮 找无伊陪阮搭同船
啊 害阮等伊等甲这阵归眠无困 心爱的人实在可恨

7295/《心爱的人实在可恨》Sim-ài ê Lâng Si̍t-tsāi Khó-hūn
黄乙玲N̂g It-lîng

想伊想到黄昏
siūnn i siūnn kah hông-hun
愈想愈爱愈恨
jú siūnn jú ài jú hūn
一夜无声无讲无困
tsi̍t-iā bô-siann bô káng bô khùn
心事一阵一阵
sim-sū tsi̍t-tsūn-tsi̍t-tsūn
胭脂抹著双唇
ian-tsi buah tio̍h siang-tûn
啊~是阮等待的青春
ah~ sī gún tán-thāi ê tshing-tshun

恋梦乱乱纷纷
luân-bāng luān-luān hun-hun
愈想愈无分寸
jú siūnn jú bô hun-tshùn
一夜无风无月无云
tsi̍t-iā bô hong bô gue̍h bô hûn
大雨一阵一阵
tuā-hōo tsi̍t-tsūn-tsi̍t-tsūn
相思滴落眠床
siunn-si tih lo̍h bîn-tshn̂g
又一点一滴到黄昏
iū tsi̍t-tiám tsi̍t-tih kàu hông-hun

阵阵滴答滴答滴
tsūn-tsūn tih-tah tih-tah tih
雨声哪通笑阮
hōo-siann ná thang tshiò gún
揣无伊陪阮搭仝船
tshuē-bô i puê gún tah kāng tsûn
啊~害阮等伊
ah~ hāi gún tán i
等到这阵
tán kah tsit-tsūn
规暝无困
kui-mî bô khùn
心爱的人
sim-ài ê lâng
实在可恨
si̍t-tsāi khó-hūn


歌曲:心爱的人实在可恨
演唱:黄乙玲( Yee-ling Huang )