作词：叶俊麟
作曲：日本曲
若想起你我结合 着想起彼日月光暝
郁闷的烧热天气 引咱散步运河边
你我见面好感情 一时来结成
配合自由的人生 约束著前程
若想起你我热恋 着想起彼暝在楼窗
温柔的可爱春风 引咱心情来活动
你我双人当青春 毋通心忧闷
将来一定欲结婚 免惊人议论
若想起你我分离 着想起彼日落雨天
兴奋的悲伤心情 引咱毋惊雨水滴
你我虽然分东西 暂时会忍耐
爱情无变心自在 以外无牵碍
《恋爱时代》Luân-ài Sit-tāi
叶启田Ia̍p Khé-tiân
若想起你我结合
nā siūnn-khí lí guá kiat-ha̍p
就想起彼日
tiō siūnn-khí hit ji̍t
月光暝
ge̍h-kng-mî
郁闷的炎热天气
ut-būn ê iâm-jua̍h thinn-khì
引咱散步运河边
ín lán sàn-pōo ūn-hô pinn
你我见面好感情
lí guá kìnn-bīn hó kám-tsîng
一时来结成
tsi̍t-sî lâi kiat-sîng
配合自由的人生
phuè-ha̍p tsū-iû ê jîn-sing
约束著前程
iok-sok tio̍h tsiân-tîng
若想起你我热恋
nā siūnn-khí lí guá jia̍t-luân
就想起彼暝在楼窗
tiō siūnn-khí hit mî tsāi lâu-thang
温柔的可爱春风
un-jiû ê khó-ài tshun-hong
引咱心情来活动
ín lán sim-tsîng lâi ua̍h-tāng
你我双人当青春
lí guá siang-lâng tng tshing-tshun
毋通心忧闷
m̄-thang sim iu-būn
将来一定欲结婚
tsiong-lâi it-tīng beh kiat-hun
免惊人议论
bián kiann lâng gī-lūn
若想起你我分离
nā siūnn-khí lí guá hun-lî
就想起彼日落雨天
tiō siūnn-khí hit ji̍t lo̍h-hōo-thinn
兴奋的悲伤心情
hìng-hùn ê pi-siong sim-tsîng
引咱毋惊雨水滴
ín lán m̄-kiann hōo-tsuí tih
你我虽然分东西
lí guá sui-jiân hun tang-sai
暂时会忍耐
tsiām-sî ē jím-nāi
爱情无变心自在
ài-tsîng bô-piàn sim tsū-tsāi
以外无干碍
í-guā bô kan-gāi