《阿松哥》A-siông-ko
叶启田Ia̍p Khé-tiân
田庄来的阿松哥
tshân-tsng lâi ê A-siông-ko
东西南北人呵咾
tang-sai-lâm-pak lâng o-ló
啊肚大面圆啊
ah tóo tuā bīn înn--ah
亲像阿不倒
tshin-tshiūnn A-put-tó
啊古锥老实又可靠
ah kóo-tsui láu-si̍t iū khó-khò
到处小姐对伊好
tò-tshú sió-tsiá tuì i hó
叫一声阿松哥
kiò tsi̍t-siann A-siông-ko
哎哟~害伊见笑
aih-iooh~ hāi i kiàn-siàu
面红身躯软膏膏
bīn âng sin-khu nńg-kô-kô
田庄出身阿松兄
tshân-tsng tshut-sin A-siông-hiann
东西南北四界行
tang-sai-lâm-pak sì-kè kiânn
啊安份守己
ah an-hūn-siú-kí
善良有名声
siān-liông ū miâ-siann
啊骨力勤快又拍拼
ah kut-la̍t khîn-khuài iū phah-piànn
大人囡仔人人疼
tuā-lâng gín-á lâng-lâng thiànn
叫一声阿松兄
kiò tsi̍t-siann A-siông-hiann
哎哟~害伊欢喜
aih-iooh~ hāi i huann-hí
哈哈笑出声
ha-ha tshiò tshut-siann