19413/《害阮心茫茫》Hāi Gún Sim Bâng-bâng
叶启田Ia̍p Khé-tiân
看着面头前
khuànn-tio̍h bīn-thâu-tsîng
一个阿娘仔
tsi̍t-ê a-niû-á
真古锥
tsin kóo-tsui
想欲来踏情话
siūnn-beh lâi ta̍h tsîng-uē
问伊踮佗位
mn̄g i tiàm tó-uī
阿娘仔毋讲话喔
a-niû-á m̄ kóng-uē--ooh
目睭阁激微微
ba̍k-tsiu koh kik bui-bui
害阮来看着啊喂
hāi gún lâi khuànn-tio̍h--ah-uê
干焦咧吐心气
kan-ta teh thóo sim-khuì
昨暝有梦一梦
tsa-mî ū bāng tsi̍t-bāng
梦见阿娘仔
bāng-kìnn a-niû-á
入阮房
ji̍p gún pâng
赶紧来踏情话
kuánn-kín lâi ta̍h tsîng-uē
问伊揣啥人
mn̄g i tshē siánn-lâng
阿娘仔毋讲话喔
a-niû-á m̄ kóng-uē--ooh
目睭阁真活动
ba̍k-tsiu koh tsin ua̍h-tāng
害阮来看着啊喂
hāi gún lâi khuànn-tio̍h--ah-uê
干焦咧心茫茫
kan-ta teh sim bâng-bâng