等无你来爱阮(卡拉版)

黄思婷( Sheryl )

7420/《等无你来爱阮》Tán Bô Lí Lâi Ài Gún
黄思婷N̂g Su-tîng

时间一分过一分
sî-kan tsi̍t-hun kuè tsi̍t-hun
渐渐退色的喙唇
tsiām-tsiām thè-sik ê tshuì-tûn
身边只有一枝薰
sin-pinn tsí-ū tsi̍t-ki hun
点袂著的温存
tiám buē to̍h ê un-tsûn

冷风一阵阁一阵
líng-hong tsi̍t-tsūn koh tsi̍t-tsūn
恬恬讲伊的心酸
tiām-tiām kóng i ê sim-sng
伤心离阮无够远
siong-sim lî gún bô-kàu hn̄g
心肝头只有恨
sim-kuann-thâu tsí-ū hūn

天顶一片云
thinn-tíng tsi̍t-phiàn hûn
海上一只船
hái-siōng tsi̍t-tsiah tsûn
哪会揹著
ná ē phāinn tio̍h
仝款的命运
kāng-khuán ê miā-ūn
有情无缘份
ū tsîng bô iân-hūn
有爱无人问
ū ài bô-lâng mn̄g
阮寂寞一个人等门
gún tsi̍k-bo̍k tsi̍t-ê-lâng tán-mn̂g

天顶一片云
thinn-tíng tsi̍t-phìnn hûn
手中一枝薰
tshiú-tiong tsi̍t-ki hun
烟云等无做阵的时阵
ian-hûn tán bô tsuè-tīn ê sî-tsūn
透早等黄昏
thàu-tsá tán hông-hun
日落到天光
ji̍t lo̍h kàu thinn kng
仝款等无你来爱阮
kāng-khuán tán bô lí lâi ài gún


歌曲:等无你来爱阮(卡拉版)
演唱:黄思婷( Sheryl )