宫主刁蛮驸马骄(& 李淑勤)

尹光( Jackson Wan Kwong )

作词:佚名
作曲:古曲
编曲:李章明

生白:公主今日乃系我哋俩个人结婚嘅好日子 所谓大登科金榜题名
小登科洞房花烛 如此说公主好应该请为夫入房啦
旦白:哈驸马 生白:点吖
旦白:你今日嘅驸马爷系点样得番嚟o架
生白:系人都知啦 驸马就更系皇帝封o架啦
旦白:若果唔系本公主奏知父王吖 你想做驸马都怕几难啦
生白:哦
旦白:如此说来 应该你请本公主入房至啱吖
生白:你有冇搅错呀 男人大丈夫七尺昂藏 我就算冇七呎都有六呎吖
冇六尺都有五尺八吖 叫我请妳入房你哋话请唔请啦
唔请几大都唔请一百个唔请一千个唔请 好嬲呀
旦白:原则上你即系唔肯请本公主入房啦
生白:我话咗唔请o架啦
旦唱:激气激气令奴难下气 点愤气相请你 点愤气相请你
生唱:妳不请我就唔呀唔入去 对唔住夜啲啦
旦唱:夜啲夜啲风猛就冷到你死
生唱:哦我死丫我死我死就需要妳执手尾 等妳等妳就成世独守香闺里,
嗰阵要揾人共妳冚被啦 哈
旦唱:我未必要你
生唱:我未必要你 大可以离异 我未必一定要有妻子
旦唱:你负爱负约不怕死 怕你未敢逆我君圣旨
生唱:喂前程尽弃 好应快快离异
旦唱:你咪当闲事 你太不是你太不是 你太不重礼仪
生唱:喂妳妳妳妳未识情义 实在无味 实在无味
旦唱:你应该要尚记起 应该要尚记起 我有话过o架我要你受气
生白:乜嘢吖
生唱:我为咗爱妳 就立乱骗妳 等妳嫁入我屋企
一于我论正家规将妳训示 怕未
旦唱:旧约推翻你都要顾住
生唱:好嬲吖 妳即管愤怒 我一于系少理啦
旦唱:乜得咁易 你应该共我面君再辩词
生唱:好吖我同妳去面帝皇判交一死

旦白:你真系够胆同我见父皇
生白:点解唔够胆吖
旦白:我系皇帝女吖 皇帝都要就我几分吖
生白:我够系驸马咯 你当我腐竹吖
旦白:哈你你你虾我 生白:虾你又点吖
旦白:若果你若果唔肯请我入去 我就自己入
你响外边谂清谂楚啦你
生白:喂喂公主咁就入o架啦
生白:哇呢度乜鬼嘢门嚟o架 嘭一声咁就闩咗
闩咗门o架啦 佢就精吖一句唔该走入去高床暖枕
净番我喺度挨冻 唔系啦唱两句歌仔引佢开门都好吖

生唱:人一个都确系无收科 人哋话新婚甜蜜好似秤不离陀
喂我就晚晚孤寒真系恶过 点解你好拣就唔拣拣着呢个新郎哥阿哥

生白:冇乜反应o架喂 你有你唱啦佢高床暖枕吖
唔系啦 俗语都有话啦嘛 两公婆打交床头打交床尾和
我唔洗床尾我床中间就和啦 一于拍门就有房瞓啦喂拍门啦
公主开门呀
旦白:边个呀  生白:驸马爷到吖
旦白:除非你叩头认错啦 生白:唔系呀麻
旦白:唔系你就快啲躝尸呀 生白:哎吔仲要叩头认错先有得入房吖你唔死我死囉
生唱:真系奇奇奇 娇妻叫我话去躝尸的确系奇 娇妻叫我话去躝尸的确系奇
旦唱:你系都唔认错就冻到你死啦
生唱:咁样搞法确系奇 公主良辰容易过就良辰容易过噃 妳乜咁笨唔愿理妳真激气
旦唱:夫妻斗气讲和唔容易
生唱:共订白头时常闹吓 咪当耍花枪根本无问题
旦唱:若果时时就你 生白:最好吖
旦唱:虾我激我一世咁就难下气 我都不想理啦
生唱:公主我哋我哋夫妻要和气亲蜜 你莫过存心谷气得o架
旦唱:你个冤家真正系太奀皮 生白:开门吖
生唱:其实俩公婆激乜鬼气㖞
旦唱:我共你讲得咁多费事成成日费心机 嚟啦
生唱:唏呀嚟啦
合唱:前世
生唱:呢嗱我哋我哋俩夫妻
合唱:相亲相爱到白眉


歌曲:宫主刁蛮驸马骄(& 李淑勤)
演唱:尹光( Jackson Wan Kwong )
作词:佚名
作曲:古曲