傍友,贤妻

森森( Sylvia Lai )

原自国语歌曲 泥娃娃

作词:罗宝生
作曲:姚敏
合唱:森森‧杜平

(男白) 开门。
(女白) 边个呀?
(男白) 重驶问嘅?梗系我啦。
(女白) 唉!将近天光嗱。
(男白) 吓!番亲嚟你一定要教训我噃。
(女白) 唔系叫做教训,不过见你晚晚都咁夜番,惊你挨坏唧。
(男白) 坏都冇法咖,揾食噃。
(女白) 要你咁辛苦,我点过得意呢?唉,你靠傍阔佬养家,
唔系办法嘅。
(男白) 哦!我傍到家肥屋润都唔好?咁你要我点做至啱呀?

(男唱)
我成日傍个茅根竹,佢认我做心腹,佢大把身家好色好食,
真欢喜作局。
我成日傍个茅根竹,食着甚充足,样样都黐,借水最易,
全凭架步熟。
傍老细,要说话灵活,擅吹捧,作状纯服,
托拍功夫早已做齐,靠滚更纯熟,
我贤内助,你唔知足,夜夜重兜督,未知我辛苦借钱过活,
你为人似旧木。

(女白) 唉!总之我唔希望你靠茅根竹,借水过日子啦。
(男白) 唉!我都知,不过冇钱冇办法呀嘛。
(女白) 我唔系要你一朝发达,我想你用双手,用脑筋,
切切实实从头做起,咁样做人先至啱咖嘛。
(男白) 啱就啱,不过唔知做乜野好呢?
(女白) 呢个问题慢慢想啦!最紧要你肯改过先至得。
(男白) 咁呀。

(女唱)
你傍阔少,你做奴仆,做跟班,更受凌辱,靠借钱易趋向下流,
更忧心你随俗,你求自立,宜知足,我愿日日食餐粥。

(合唱)
共刻苦耐劳,两夫妻努力,勤劳挽大局。

(女白) 希望你浪子回头金不换就好啦。
(男白) 唉!有个咁好嘅贤妻,精神感召,我都应该要改过嘅。
(女白) 咁就不枉我对你一番苦心咯。


歌曲:傍友,贤妻
演唱:森森( Sylvia Lai )
作词:罗宝生
作曲:姚敏