原自欧西歌曲 Summer Wine
作词：苏翁
作曲：Lee Hazlewood
合唱：森森‧杜平
情人另嫁，皆因我个猫样生得丑；
情缘尽矣，一想到心中好鬼嬲。
我要想点样报复，揾啲女仔吼；
何妨扮作热情，等靓女，唔！到时候。
狂人病态，因乜你好比丧家狗；
人人路过，睇到你反感兼心嬲。
你着起飞装咁霉，点得女仔吼；
还来扮作热情，一睇到，唔！确难受。
〔男曰〕 乜我啲装扮好失礼咩？
〔女曰〕 梗系啦，头发长成咁，好似无钱飞发咁呀；
污糟邋遢，啲动静又乞人憎。
〔男曰〕 我都话你傻嘅，华伦天奴都系咁嘅动静咋。
〔女曰〕 我话你系挖烂地牢就真呀。
〔男曰〕 吓！而家啲系新潮装呀吗。
〔女曰〕 你误解新潮呢两个字喇，
你成个都好似乞儿咁呀。
〔合唱〕
原来系我啲装扮举止不知羞，
行藏动态应端正规矩应遵守。
我决心改过正途先将身心修，
沉迷自觉回头，莫自误，唔！有成就。
唔！有成就。