点解讲粗口

夏韶声( Danny Summer )

(原自粤语歌曲'点解手牵手'
作词:黎彼得
作曲:黄霑

喂点解讲粗口,令你心中无恨仇呀!
难道学识讲粗口,就会解开心里忧咩?

通街讲粗口,大众失礼太下流,
同人度水讲粗口,就会失咗好多老友。

讲粗口实在漏踎,要顾时与候,
若系撞着见女婿,望你把口应该收。

点解讲粗口,乱爆一声百世仇,
同人闹交讲粗口,实听兜心乱咁抽。

总之讲粗口,害你郁啲冇咗个头,
其实自己应该知丑,愿你讲多口会臭。

嗱讲粗口实在漏踎,要顾时与候,
若系撞着见女婿,望你把口应该收。

总之讲粗口,害你郁啲冇咗个头,
其实自己应该知丑,愿你讲多口会臭。


歌曲:点解讲粗口
演唱:夏韶声( Danny Summer )
作词:黎彼得
作曲:黄霑