《阿妈的手》A-má ê Tshiú
唐飞Tông Hui
远远看着
hn̄g-hn̄g khuànn-tio̍h
头毛淡薄仔白
thâu-moo tām-po̍h-á pe̍h
彼个就是阮的阿妈
hit ê tsiū-sī gún ê a-má
阮自细汉看伊看到老
gún tsū sè-hàn khuànn i khuànn kàu lāu
生活较苦嘛家己来担
sing-ua̍h khah khóo mā ka-kī lâi tann
阿妈的手
a-má ê tshiú
共我饲大汉
kā guá tshī tuā-hàn
阿妈疼惜我
a-má thiànn-sioh guá
可比是妈妈
kó-pí sī ma--mah
惊我寒啊惊我热
kiann guá kuânn--ah kiann guá jua̍h
惊我喙焦
kiann guá tshuì-ta
惊我食袂饱
kiann guá tsia̍h buē pá
惊我有钱走去奅
kiann guá ū-tsînn tsáu khì phānn
交著歹朋友
kau tio̍h pháinn-pîng-iú
惊我做毋著
kiann guá tsuè m̄-tio̍h
嘛毋捌共我骂
mā m̄-bat kā guá mā
厝边头尾讲我真福气
tshù-pinn-thâu-bé kóng guá tsin hok-khi
人人呵咾我有一个好阿妈
lâng-lâng o-ló guá ū tsi̍t-ê hó a-má