江惠仪 > 露螺 > 吴先生

吴先生

作词:江惠仪
作曲:江惠仪

伊住伫一个遥远的所在
彼个热天亲像火烧的世界
伊的名字自细汉通人知 咱拢知

听人讲伊无耐心 阁加上性地真歹
逐工拢咧作眠梦 迒袂过名利阻碍 啥物梦遐尔精彩 我想欲看觅

Mr. Wu的遭遇 ooh 无人同情无人通解救
一冬阁过一冬的怨恨 踮心内踮双手的伤痕
彼著是Mr. Wu ooh Mr. Wu

我飞来这个遥远的所在
这个想过听过幻想的世界
我看着伊坐伫树跤看册 咧等待

Mr. Wu的模样 ooh 面容标致体格嘛勇健
伊有善良温柔的心肝 牺牲自由换大树性命
这著是Mr. Wu ooh Mr. Wu

Mr. Wu的心事 ooh 无人关心无人会探听
为著爱守护疼惜的人 担著歹名声犹徛伫遐
伊著是Mr. Wu ooh Mr. Wu

目睭擘开是熟似的所在
这个我听我想我看的世界
原来只是眠梦伊并无存在
向头看着一支红菜头 伫我手内 伊著是Mr. Wu ooh Mr. Wu