江惠仪 > 露螺 > 露螺

露螺

作词:江惠仪
作曲:江惠仪

揹着我的行李 欲来去 揣一个原因 揣一个意义
行过寒天 闻到花香味 揣一片白云 我欲问伊

天顶生作什么模样 大家拢咧日思梦想
沓沓行啊行 行啊行啊行
等看到彼片媠 敢会找无路转去

揹着我的行李 欲来去 揣一个原因 揣一个意义
行过热天 闻到雨水味 揣一只鸟仔 我欲问伊

你咧唱着佗一条歌 大声坦白你的心晟
详细听啊听 听啊听啊听
对青春的年华 唱到岁月的惊惶

我听袂清世界的纷扰 我行袂开现实的拖磨
惊啊惊啊惊 对佗行 痛啊痛啊痛 谁人听

日头犹原毋捌会记我 日子犹原无情咧走
我揹著沉重注定慢慢咧行一直行
欲行去佗位 行到何时

------------------------------------------

《露螺》Lōo-lê
江惠仪Kang Huī-gî

↓↓(口白)---(口白)---(口白)↓↓
彼工我拄著一只露螺
hit kang guá tú-tio̍h tsi̍t tsiah lōo-lê
伊问我讲
i mn̄g guá kóng
是按怎逐家拢讲
in-uī guá kóng sī-án-tsuánn ta̍k-ke lóng kóng
爱坚持爱拍拼
ài kian-tshî ài phah-piànn
是欲去佗咧
sī beh peh khì tueh--leh

我共伊讲
guá kā-i kóng
怹讲的所在
in kóng ê sóo-tsāi
就是上悬
tiō-sī siōng kuân
上接近天的所在
siōng tsiap-kīn thinn ê sóo-tsāi

犹毋过我的速度遐尔慢
iáu-m̄-koh, guá ê sok-tōo hiah-nī bān
煞当时会当到遐咧
suah tang-sî ē-tàng kàu hia--leh

呣...我想想咧
mh... guá siūnn-siūnn--leh
笑笑共伊讲
tshiò-tshiò kā-i kóng
我毋知呢
guá m̄-tsai--neh
因为我是一只看袂著
in-uī guá sī tsi̍t-tsiah khuànn bē tio̍h
嘛听袂著的露螺啊
mā thiann bē tio̍h ê lōo-lê--ah
↑↑(口白)---(口白)---(口白)↑↑

揹着我的行李
phāinn tio̍h guá ê hîng-lí
欲来去揣一个原因
beh lâi-khì tshuē tsi̍t-ê guân-in
揣一个意义
tshuē tsi̍t-ê ì-gī
行过寒天
kiânn kuè kuânn-thinn
鼻着花芳味
phīnn-tio̍h hue phang-bī
揣一片白云
tshuē tsi̍t-phìnn pe̍h-hûn
我欲问伊
guá beh mn̄g i

天顶生做啥物模样
thinn-tíng sinn-tsuè siánn-mih bôo-iūnn
逐家拢咧日思梦想
ta̍k-ke lóng teh ji̍t-su bāng-siūnn
沓沓行啊行
ta̍uh-ta̍uh kiânn--ah kiânn
行啊行啊行
kiânn--ah kiânn--ah kiânn
等看着彼片媠
tán khuànn-tio̍h hit phìnn suí
敢会揣无路转去
kám ē tshuē-bô lōo tńg--khì

揹着我的行李
phāinn tio̍h guá ê hîng-lí
欲来去
beh lâi-khì
揣一个原因
tshuē tsi̍t-ê guân-in
揣一个意义
tshuē tsi̍t-ê ì-gī
行过热天
kiânn kuè jua̍h-thinn
鼻著雨水味
phīnn-tio̍h hōo-tsuí bī
揣一只鸟仔
tshuē tsi̍t-tsiah tsiáu-á
我欲问伊
guá beh mn̄g i

你咧唱着佗一条歌
lí teh tshiùnn tio̍h tó tsi̍t-tiâu kua
大声坦白你的心情
tuā-siann thán-pe̍h lí ê sim-tsiânn
详细听啊听
siông-sè thiann--ah thiann
听啊听啊听
thiann--ah thiann--ah thiann
对青春的年华
tuì tshing-tshun ê nî-huâ
唱到岁月的惊惶
tshiùnn kàu suè-gua̍t ê kiann-hiânn

我听袂清世界的纷扰
guá thiann buē tshing sè-kài ê hun-jiáu
我行袂开现实的拖磨
guá kiânn buē khui hiān-si̍t ê thua-buâ
惊啊惊啊惊
kiann--ah kiann--ah kiann
对佗行
tuì toh kiânn
疼啊疼啊疼
thiànn--ah thiànn--ah thiànn
啥人听
siánn-lâng thiann

日头犹原毋捌会记我
ji̍t-thâu iu-guân m̄-bat ē-kì guá
日子犹原无情咧走
ji̍t-tsí iu-guân bô-tsîng leh tsáu
我揹著沉重
guá phāinn tio̍h tîm-tāng
注定慢慢咧行
tsù-tiānn bān-bān leh kiânn
一直行
it-ti̍t kiânn
欲行去佗位
beh kiânn khì tó-uī
行到何时
kiânn kàu hô-sî