作词：周添旺
作曲：日本人
想彼日月出云缝 照着哀愁咱双人
我知你忍耐苦痛 送我来出帆
我也是抱着希望 和你暂时分东西
到今夜船又入港 心情全轻松
自别后心头袂定 月下船顶孤单行
也袂得见你面影 暗叫你的名
这也是你咱运命 才著给你费心晟
到今夜船已落锭 听你的歌声
相见面寂寞心理 亲像海鸟飞上天
伤心话尽量讲起 一日像一年
重相逢在这海墘 悲喜交集目屎滴
自今夜欢欢喜喜 合唱青春诗
------------------------------------------
《归船》Kui Tsûn
吴晋淮Ngôo Tsìn-huâi
想彼日月出云缝
siūnn hit-ji̍t ge̍h tshut hûn-phāng
照着哀愁咱双人
tsiò tio̍h ai-tshiû lán siang-lâng
我知你忍耐苦痛
guá tsai lí jím-nāi khóo-thàng
送我来出帆
sàng guá lâi tshut-phâng
我也是抱着希望
guá iā-sī phāu tio̍h hi-bāng
佮你暂时分东西
kah lí tsiām-sî hun se-tang
到今夜船又入港
kàu kim-iā tsûn iū ji̍p-káng
心情齐轻松
sim-tsîng tsiâu khin-sang
自别后心头袂定
tsū pia̍t-āu sim-thâu buē tiānn
月下船顶孤单行
ge̍h-hā tsûn-tíng koo-tuann kiânn
也袂得见你面影
iā buē-tit kìnn lí bīn-iánn
暗叫你的名
àm kiò lí ê miâ
这也是你咱运命
tse iā-sī lí lán ūn-miā
才著予你费心情
tsiah tio̍h hōo lí huì sim-tsiânn
到今夜船已落碇
kàu kim-iā tsûn í lo̍h-tiānn
听你的歌声
thiann lí ê kua-siann
相见面寂寞心理
sio kìnn-bīn tsi̍k-bo̍k sim-lí
亲像海鸟飞上天
tshin-tshiūnn hái-tsiáu pue tsiūnn-thinn
伤心话尽量讲起
siong-sim-uē tsīn-liōng kóng-khí
一日像一年
tsi̍t-ji̍t tshiūnn tsi̍t-nî
重相逢在这海墘
tiông siong-hông tsāi tse hái-kînn
悲喜交集目屎滴
pi-hí kau-tsi̍p ba̍k-sái tih
自今夜欢欢喜喜
tsū kim-iā huann-huann-hí-hí
合唱青春诗
ha̍p-tshiùnn tshing-tshun si