阮的爱亲像 是一片树林 置黑云天 做你的雨嬷
你的爱亲像 贪玩的鸟只 雨水那停 就会离开这
你的心里不曾有我 情话只是因为孤单
你那像石控的心肝 注定爱到乎人心痛
爱你爱到这 目屎落未煞 阮将青春交给你 煞换来折磨
爱你爱到这 怪我太软弱 心酸讲乎谁人听 只剩我悲伤唱情歌
------------------------------------------
9535/《爱你到遮》Ài Lí Kàu Tsia
张艾莉Tiunn Ngāi-lī(凤娘Hōng-niû)
阮的爱亲像
gún ê ài tshin-tshiūnn
是一片树林
sī tsi̍t-phìnn tshiū-nâ
伫乌云天
tī oo-hûn-thinn
做你的雨幔
tsuè lí ê hōo-mua
你的爱亲像
lí ê ài tshin-tshiūnn
贪玩的鸟只
THAM UÁN ê tsiáu-tsiah
雨水若停
hōo-tsuí nā thîng
就会离开遮
tiō ē lī-khui tsia
你的心内毋捌有我
lí ê sim-lāi m̄-bat ū guá
情话只是因为孤单
tsîng-uē tsí-sī in-uī koo-tuann
你若像石巩的心肝
lí ná-tshiūnn tsio̍h khōng ê sim-kuann
注定爱到予人心疼
tsù-tiānn ài kàu hōo-lâng sim thiànn
爱你爱到遮
ài lí ài kàu tsia
目屎落袂煞
ba̍k-sái lo̍h buē-suah
阮将青春交予你
gún tsiong tshing-tshun kau hōo lí
煞换来折磨
suah uānn lâi tsiat-buâ
爱你爱到遮
ài lí ài kàu tsia
怪我太软汫
kuài guá thài luán-tsiánn
心酸讲予啥人听
sim-sng kóng hōo siánn-lâng thiann
只䞐我悲伤唱情歌
tsí tshun guá pi-siong tshiùnn tsîng-kua