未必、Maybe、未知

Heyo( 霍嘉豪 )

作词:Heyo
作曲:Heyo

最好听教咁就乖
佢呀妈 由佢细个咁样慢慢再教到大
最怕佢 细个会学坏 先冇俾佢出咁多街
再怕佢报错晒学校 佢呀妈既兴趣 佢都学晒
跟住条龙就升大学
冇理咁多 读到边科 咪读 冇个学位 咁先大镬
冇理过 日做夜做 就用尽力去拼搏
冇野怕 最怕个尺价 要买楼要执几个
佢冇理 冇理政局
最多add 下女 开下𠴱个 Facebook
句句话 系冇架喇 做落就知道冇变量
仲劝我咪太燥 预左俾个框摆布
嗯.. 佢既决定 就系注定 去信命
定系佢 要照住去 由佢3岁到 80岁
我问佢
“你估呢个地方仲有冇得变丫拿”
佢话
“边度有得变丫 我谂都 未必 架喇”

如果系屋村长大
就好似我呢个朋友细细个通山走 通山嗌
佢既父母当年未 做好准备
只系选择左 点都要生佢出莅
成家都早出晚归 佢冇得摊系
屋企就有晚饭食 所以佢先学识煮饭仔
最怕佢落第 咪报个设计 学艺
返下 part time 揾洗费 细佬先够交学费
佢话佢都相信梦想
只系对佢冇保障 咪唯有俾市场导向
个世界变了样 也要发奋向上
佢相信可改变 个个都打惯硬仗
佢知政策既每件事 都关佢事
之但系 每次唔开工 就OT
但系当佢朋友 话呢度都好似 未必 有得变
佢就话 “唔系未必 系 Maybe 既”

仲有一个一齐大
佢要买既吉他 漫画 Figure 品牌 乜都买齐晒
个世界咁大 都总算开过眼界
佢庆幸一家都算见怪不怪
佢有试过做过下街童
间中 返下工
唔洗靠佢 买饭餸 咪可以发下 白日梦
佢地一家人住睇落都算轻松
但系搞得自己生意都要 供奉 土地公
同公司有赚 升职加薪个个happy
但系赤字 嗰时就知 发生乜事
有挫折既我 也会试过 去埋怨
咪过意 各有各既系 难处
佢话 人各有前因 遭遇同乾坤
每个抉择 影响紧 大运延伸
到我问 呢度有冇得变 会系未必 抑或 Maybe
佢话“有机会就试 结果系点 未知架”


歌曲:未必、Maybe、未知
演唱:Heyo( 霍嘉豪 )
作词:Heyo
作曲:Heyo