作词：谢丽燕
作曲：郭大诚
编曲：余大豪
玲玲珑珑 玲玲珑珑 喝玲珑
卖什细 街头巷尾四界踅
今日从这过 看您爱啥货
拢毋免讲价 绝对无问题
无论是胭脂水粉膨粉价膨纱
阮就是喝玲珑 卖什细
口白:来唷!来看我喝玲珑的卖什细,
不是欲卖你摇鼓价卖鼎擦,请各位就要乎详细,
是欲来卖恁化装的百货.今天欲来俗俗仔卖,
彼个猪肉欲当作咸菜价,若恁欠用才紧来提.
看!偎来看!俗对半,不是我咧爱弹,
我的水粉提去抹,粧粧咧甘若阿旦,
一盒才卖您二块半.
我昧歕鸡奎啦,一个老阿婆今年八十几岁,
抹着我的水粉搁会老水啊老水.
来唷!即吗我来喝一支胭脂,胭脂若欲抹,
你就要拣彼囉好气味的,若欲抹你着要抹嘴边,
爱人仔嗅著才会心绵绵.各位小姐不通假敖,
胭脂若抹在鼻头,
刚好亲像木栅仙公庙彼只红鼻猴.一支偌济?
二块四,慢且是,恁即吗跟我买一支,
我另外送恁一支返去分厝边,有人欲爱就即吗紧讲起,
若给我收起来才欲得,就是重讲钱,
有人欲否? ,什么!大家煞静静,各位大概是不合用.
人客啊!恁不通俗米嫌臭醅,
俗蕃薯给我嫌曲龟,卖恁俗恁给我嫌楣,
真珠给我当作老鼠屎.
无我即吗搁来喝一领四十八人份的蚊罩,
也挺好围篱笆,也挺好做灶脚,
也挺好做鱼网仔提去外海抛,
一领才卖恁一十八.搁来噢!即吗欲来喝一条齿膏,
各位咱遮男士朋友恁毋通看做是药膏,
提返去厝内黑白抹黑白搔,搔一下久变汰痼,
彼阵就乎您太太讲恁去歪哥,
啊你就会真囉唆.来来来,来喝一块雪文,
香贡贡搁贡贡香,
洗一摆香七天,初一提来洗身躯,十五犹咧轻松.
放咧三年过五冬,免惊会蛀空,
也免惊会生虫.来唷!半卖半相送,
一项一项来加拼,甘若关公咧走麦城,现喝现输嬴,
恁若欲爱才喝声,紧来唷!