作词：庄启胜
编曲：纪明阳
在黑暗的酒场内 寂寞等你来 为怎样你拢不来
我为你空等待 サチコ サチコ 你的形影浮在眼内
我为你到现在 犹原真心在相爱
纯情的爱 你敢不知愈想心愈悲哀
我今日又搁来到 昔日小溪边
若想起甜蜜彼时 暗伤心目屎滴
サチコ サチコ 你的行影落在目墘 我对你真情真意
到现在犹原爱你 向天叫你
大声叫你 心爱的你名字
------------------------------------------
7297/《幸子》Hīng-tsú
甲子慧Kah-tsí Huī
在乌暗的酒场内
tsāi oo-àm ê tsiú-tiûnn lāi
寂寞等你来
tsi̍k-bo̍k tán lí lâi
为怎样你拢无来
uī-tsuánn-iūnn lí lóng bô lâi
我为你空等待
guá uī lí khang tán-thāi
サチコ サチコ
Sa-tsí-kooh Sa-tsí-kooh
你的形影浮在眼内
lí ê hîng-iánn phû tsāi gán-lāi
我为你到现在
guá uī lí kàu hiān-tsāi
犹原真心咧相爱
iu-guân tsin-sim teh siong-ài
纯情的爱
sûn-tsîng ê ài
你敢毋知
lí kám m̄-tsai
愈想心愈悲哀
jú siūnn sim jú pi-ai
我今日又阁来到
guá kim-ji̍t iū-koh lâi-kàu
昔日小溪边
sik-ji̍t sió-khe pinn
若想起甜蜜彼时
nā siūnn-khí tinn-bi̍t hit-sî
暗伤心目屎滴
àm siong-sim ba̍k-sái tih
サチコ サチコ
Sa-tsí-kooh Sa-tsí-kooh
你的形影
lí ê hîng-iánn
落在目墘
lo̍h tsāi ba̍k-kînn
我对你真情真意
guá tuì lí tsin-tsîng tsin-ì
到现在犹原爱你
kàu hiān-tsāi iu-guân ài lí
向天叫你
hiòng thinn kiò lí
大声叫你
tuā-siann kiò lí
心爱的你名字
sim-ài--ê lí miâ-jī