作词：叶文德
作曲：叶文德
7632/《怨天》Uàn Thinn
甲子慧Kah-tsí Huī
风吹阮的长头毛
hong tshue gún ê tn̂g thâu-mn̂g
想起你啊心会冷
siūnn-khí lí--ah sim ē líng
行过情路才知远
kiânn kuè tsîng-lōo tsiah tsai hn̄g
越头只䞐云烟一阵
ua̍t-thâu tsí tshun hûn-ian tsi̍t-tsūn
今夜的天犹未光
kim-iā ê thinn iáu-buē kng
相思啊想袂停
siunn-si--ah siūnn buē-thîng
梦中也梦来还
bāng-tiong iā bāng lâi hîng
想你千万年也袂断
siūnn lí tshian-bān-nî iā buē tn̄g
一段等无结局的感情
tsi̍t-tuānn tán bô kiat-kio̍k ê kám-tsîng
叫阮放弃偌济的青春
kiò gún hòng-khì guā-tsuē ê tshing-tshun
若是爱情会予人心软
nā-sī ài-tsîng ē hōo-lâng sim nńg
怨天怨地
uàn thinn uàn tē
阮会怨你一个
gún ē uàn lí tsi̍t-ê