作词：黄建秦
作曲：黄建秦
冷清的街路上 有一种失落的心情
漂流在风中 慢慢一点一滴来消逝
黑暗的街路上 有一种寂寞的形影
颠颠倒倒的人生 亲像浮浮沉沉的运命
多变的世间 乎我变甲这孤单
只有冰冷的风雪 感慨这条情路找无伴
无奈的情伤路 亲像现实的一面镜
人生路途需要你来作阵走
------------------------------------------
7642/《情伤路》Tsîng-siong Lōo
甲子慧Kah-tsí Huī
冷清的街路上
líng-tshing ê ke-lōo siōng
有一种失落的心情
ū tsi̍t-tsióng sit-lo̍h ê sim-tsîng
漂流在风中
phiau-liû tsāi hong-tiong
慢慢一点一滴来消失
bān-bān tsi̍t-tiám-tsi̍t-tih lâi siau-sit
乌暗的街路上
oo-àm ê ke-lōo siōng
有一种寂寞的形影
ū tsi̍t-tsióng tsi̍k-bo̍k ê hîng-iánn
颠颠倒倒的人生
tian-tian-tó-tó ê jîn-sing
亲像浮浮沉沉的运命
tshin-tshiūnn phû-phû-tîm-tîm ê ūn-miā
多变的世间
to-piàn ê sè-kan
予我变甲遮孤单
hōo guá piàn kah tsiah koo-tuann
只有冰冷的风雪
tsí-ū ping-líng ê hong-seh
感慨这条情路
kám-khài tsit tiâu tsîng-lōo
揣无伴
tshuē-bô phuānn
无奈的情伤路
bô-nāi ê tsîng-siong lōo
亲像现实的一面镜
tshin-tshiūnn hiān-si̍t ê tsi̍t-bīn kiànn
人生路途
jîn-sing lōo-tôo
需要你来做阵行
su-iàu lí lâi tsuè-tīn kiânn