口白：雷颂德
作词：古倩敏
作曲：古倩敏
(雷)C楠：我知道你会明白㗎。
你重记唔记得你同我讲过嗰个传说呀？
“如果两个人可以喺同一时间呼出最后一口气，混和一齐嘅话，
第时轮回之后，就可以有缘再喺埋一齐。
”
有时我会谂，我哋会唔会上一世都系一齐呼出最后一口气呢？
所以今世先有机会相遇！
如果系真嘅话，我哋今世只不过系无尽时间旅程中嘅其中一站啫！
我每次咁谂，我都会感到好满足、开心，亦都唔会怕要离开。
灵魂跟你 融和于空气
时光怎可以紊乱爱的细腻
一分一秒间 当中也是你
仍着意替你记住每点惊喜
灵魂早已融和于空气
人深深坚信这爱永不会死
默默的承诺 当可再遇你
必将这感觉细细向你说一遍
曾多么的想你
(雷)我愿意相信一切你相信嘅嘢，
玻璃樽里便保存嘅，就系我喺世上呼出嘅最后一口气。
嗱！你记住帮我写张感谢咭，
比嗰位肯信我同埋肯帮我完成心愿嘅护士，
佢嘅名同地址就写咗喺下面嘞。
我唔知道写完呢封信之后，几时先要佢帮手，
但我谂我都唔会再有机会重睇呢一封信，再补充啲乜嘞！
你知唔知呀？我觉得我一世人最唔好彩嘅，就系得到呢个病；
而最好彩嘅呢，就系得到呢个病，然后再得到你。
为咗我哋来世嘅重逢，你一定要好好咁生存落去呀。
睇表，已经凌晨三点嘞，攰嘞，
有咩唔记得讲嘅，咪下世见面先再讲啦！
B诺
求能跟你 融和于空气
重温躺于你臂内每种细腻
一分一秒间 当中也是你
仍着意替你记住每点惊喜
如能跟你融和于空气
人深深坚信这爱永不会死
默默的承诺 当可再遇你
必将这感觉细细向你说一遍
曾多么的想你
曾多么的想你