《异乡思情》Ī-hiong Su-tsîng
黄三元N̂g Sam-guân
离开故乡几千里
lī-khui kòo-hiong kuí-tshian lí
每日唸歌来趁钱
muí-ji̍t liām-kua lâi thàn-tsînn
想着你的好情义
siūnn-tio̍h lí ê hó tsîng-gī
予阮永远难袂记
hōo gún êng-uán lân buē-kì
心爱的
sim-ài--ê
你我离别是暂时
lí guá lī-pia̍t sī tsiām-sî
异乡城市月暗暝
ī-hiong siânn-tshī ge̍h-àm-mî
只有孤单怨长暝
tsí-ū koo-tuann uàn tn̂g-mî
想着你的情缠绵
siūnn-tio̍h lí ê tsîng tînn-mî
无疑会来拆分离
bô-gî ē lâi thiah hun-lî
心爱的
sim-ài--ê
你是怎样过日子
lí sī tsuánn-iūnn kè ji̍t-tsí
看着对面的河边
khuànn-tio̍h tuì-bīn ê hô-pinn
鸟只飞来又飞去
tsiáu-tsiah pe lâi iū pe khì
引起阮来思念你
ín-khí gún lâi su-liām lí
心内叫着你名字
sim-lāi kiò tio̍h lí miâ-jī
心爱的
sim-ài--ê
请你等我回乡里
tshiánn lí tán guá huê hiunn-lí