《九江调》Kiú-kang-tiāu
刘福助 Lâu Hok-tsōo
三步四喝无拖沙
sann-pōo sì-huah bô thua-sua
佮妹来约会
kah muē lâi iok-huē
在港岸在港岸
tsāi káng huānn, tsāi káng huānn
杙杙硞硞哩哩漉漉
khi̍t-khi̍t kho̍k-kho̍k lih-lih lo̍k-lo̍k
只有跤步声
tsí-ū kha-pōo siann
只有跤步声
tsí-ū kha-pōo siann
阁来摇摇来摇摇
koh lâi iô-iô lâi iô-iô
虽然半暝也著行
sui-jiân puànn-mî iā tio̍h kiânn
心肝像火烧山
sim-kuann tshiūnn hué-sio-suann
行到港岸心袂定
kiânn kàu káng-huānn sim buē tiānn
到底毋知为按怎
tàu-té m̄-tsai uī án-tsuánn
为按怎
uī án-tsuánn
目睭金金
ba̍k-tsiu kim-kim
目睭金金
ba̍k-tsiu kim-kim
看无娘来伴
khuànn-bô niû lâi phuānn
看无娘来伴
khuànn-bô niû lâi phuānn
阁来摇摇来摇摇
koh lâi iô-iô lâi iô-iô
踮在彼爿山
tiàm-tsāi hit-pîng suann
看过彼爿岸
khuànn-kè hit-pîng huānn
心肝嘛袂踏定
sim-kuann mā buē ta̍h-tiānn
四边仔肃静无人影
sì-pinn-á siok-tsīng bô lâng-iánn
只有䞐我戆戆徛
tsí-ū tshun guá gōng-gōng khiā
戆戆徛
gōng-gōng khiā
浠沥哗啦浠沥哗啦
hi-li̍h huā-lah hi-li̍h huh-lah
冷风吹心肝
líng-hong tshue sim-kuann
冷风吹心肝
líng-hong tshue sim-kuann
阁来摇摇来摇摇
koh lâi iô-iô lâi iô iô
真无趣味
tsin bô tshù-bī
无照行
bô tsiàu-kiânn
将阮来放孤单
tsiong gún lâi pàng koo-tuann