爱情起大厝

王中平( Roger Wang )

作词:洪金升
作曲:洪金升

用我的气魄起厝顶 乎妳毋惊雨毋惊冷
用我真情意地基打乎深 今生爱妳心坚定
用妳的贤慧来设计 简单装潢也美丽
用妳的温柔来做灯火 永远温暖我心底

爱情起大厝起大厝 拿咱生命作工具
感情的工地进进出出 尚惊伤痕归身躯
爱情起大厝起大厝 千年万年袂嫌妳旧
对妳的要求只有一句 今生毋通来辜负

------------------------------------------

7139/《爱情起大厝》Ài-tsîng Khí Tuā-tshù
王中平Ông Tiong-pîng

用我的气魄起厝顶
iōng guá ê khì-phik khí tshù-tíng
予你毋惊雨毋惊冷
hōo lí m̄-kiann hōo m̄-kiann líng
用我真情意
iōng guá tsin-tsîng-ì
地基拍予深
tē-ki phah hōo tshim
今生爱你心坚定
kim-sing ài lí sim kian-tīng

用你的贤慧来设计
iōng lí ê hiân-huē lâi siat-kè
简单装潢也美丽
kán-tan tsong-hông iā bí-lē
用你的温柔
iōng lí ê un-jiû
来做灯火
lâi tsuè ting-hué
永远温暖我心底
íng-uán un-luán guá sim-té

爱情起大厝起大厝
ài-tsîng khí tuā-tshù khí tuā-tshù
提咱性命做工具
the̍h lán sìnn-miā tsuè kang-kū
感情的工地
kám-tsîng ê kang-tē
进进出出
tsìn-tsìn-tshut-tshut
上惊伤痕规身躯
siōng kiann siong-hûn kui-sin-khu

爱情起大厝起大厝
ài-tsîng khí tuā-tshù khí tuā-tshù
千年万年
tshian-nî bān-nî
袂嫌你旧
buē hiâm lí kū
对你的要求
tuì lí ê iau-kiû
只有一句
tsí-ū tsi̍t-kù
今生毋通来辜负
kim-sing m̄-thang lâi koo-hū


歌曲:爱情起大厝
演唱:王中平( Roger Wang )
作词:洪金升
作曲:洪金升