原曲：鸳鸯道中[日本曲]
作词：蔡启东
作曲：阿部武雄
富家子陈家三兄 为著爱情学磨镜
爱五娘无人知影 故意打破镜
热爱情不惊呆命 赔偿宝镜奴才名
查某简野春知影 劝娘相携行
相携行一行三名 打破秘密人知影
林大鼻告诉官厅 要捉陈三兄
一路上翻山过岭 地头青疏无亲成
宿旅馆惊人知影 凄惨透瞑行
恋爱花有甜有苦 陈三五娘在路途
被官兵困住去路 情海起风波
诱拐罪罪名太重 陈三为爱入铁窗
害著伊五娘失望 探亲入监房
------------------------------------------
4751/《陈三五娘》Tân-sann Gōo-niû
郭金发Kueh Kim-huat
富家囝陈家三兄
hù-ka-kiánn Tân--ka Sann-hiann
为著爱情学磨镜
uī tio̍h ài-tsîng o̍h buâ-kiànn
爱五娘无人知影
ài Gōo-niû bô-lâng tsai-iánn
故意拍破镜
kòo-ì phah-phuà kiànn
热爱情毋惊歹命
jia̍t ài-tsîng m̄-kiann pháinn-miā
赔偿宝镜奴才名
puê-siúnn pó-kiànn lôo-tsâi miâ
查某㛠野春知影
tsa-bóo-kán Iá-tshun tsai-iánn
劝娘相𤆬行
khǹg niû sio-tshuā kiânn
相𤆬行一行三名
sio-tshuā kiânn tsi̍t-kiânn sann-miâ
拍破祕密人知影
phah-phuà pì-bi̍t lâng tsai-iánn
林大鼻告诉官厅
Lîm-tuā-phīnn kò-sòo kuann-thiann
欲掠陈三兄
beh lia̍h Tân-sann-hiann
一路上盘山过岭
tsi̍t lōo-siōng puânn-suann kuè-niá
地头生疏无亲情
tē-thâu tshinn-soo bô tshin-tsiânn
歇旅馆惊人知影
hioh lú-kuán kiann lâng tsai-iánn
悽惨透暝行
tshi-tshám thàu-mî kiânn
恋爱花有甜有苦
luân-ài-hue ū tinn ū khóo
陈三五娘在路途
Tân-sann Gōo-niû tsāi lōo-tôo
被官兵挡住去路
pī kuann-ping tòng-tsū khì-lōo
情海起风波
tsîng-hái khí hong-pho
诱拐罪罪名太重
iú-kuái-tsuē tsuē-miâ thài tāng
陈三为爱入铁窗
Tân-sann uī ài ji̍p thih-thang
害著伊五娘失望
hāi-tio̍h i Gōo-niû sit-bōng
探亲入监房
thàm-tshin ji̍p kann-pông