曲同香港恋情
合唱：郭金发&文凤
男儿踮港口 看从彼爿海(从：dui_) (爿：bingˇ)
双人说出甜蜜情话 渐渐行从这爿来
亲像今夜罩茫雾 彼时毋知东抑西(罩：da_)
我虽然欲来去 毋愿心悲哀
毋通悲伤心爱的 我的心情妳上解
咱初次来见面 犹原在港边
双人因何欲来分离 偏偏也是月暗暝
海面船灯像天星 陪伴你我心稀微
你毋通来昧记 约束的日期
再三叮咛心爱的 你著带念阮情意
咱今夜欲分开 约束再相会
双人相别伤心情话 已经讲尽头黎黎(黎：leˇ)
海面波浪显悲伤 怨叹冷风一直吹
咱互相著保重 寂寞这几个
最后叫声心爱的 你该早日开心花
------------------------------------------
《雾夜港边》Bū-iā Káng-pinn
郭金发Kueh Kim-huat
文凤Bûn-hōng
男儿踮港口
lâm-jî tiàm káng-kháu
看对彼爿海
khuànn tuì hit-pîng hái
双人说出甜蜜情话
siang-lâng sueh tshut tinn-bi̍t tsîng-uē
渐渐行对这爿来
tsiām-tsiām kiânn tuì tsit-pîng lâi
亲像今夜罩雺雾
tshin-tshiūnn kim-iā tà bông-bū
彼时毋知东抑西
hit-sî m̄-tsai tang ia̍h sai
我虽然欲来去
guá sui-jiân beh lâi-khì
毋愿心悲哀
m̄-guān sim pi-ai
毋通悲伤
m̄-thang pi-siong
心爱的
sim-ài--ê
我的心情你上知
guá ê sim-tsîng lí siōng tsai
咱初次来见面
lán tshoo-tshù lâi kìnn-bīn
犹原在港边
iu-guân tsāi káng-pinn
双人因何欲来分离
siang-lâng in-hô beh lâi hun-lî
偏偏也是月暗暝
phian-phian iā-sī ge̍h-àm-mî
海面船灯像天星
hái-bīn tsûn-ting tshiūnn thinn-tshinn
陪伴你我心稀微
puê-phuānn lí guá sim hi-bî
你毋通来袂记
lí m̄-thang lâi buē-kì
约束的日期
iok-sok ê ji̍t-kî
再三叮咛心爱的
tsài-sann ting-lîng sim-ài--ê
你著带念阮情义
lí tio̍h tài-liām gún tsîng-gī
咱今夜欲分开
lán kim-iā beh hun-khui
约束再相会
iok-sok tsài siong-huē
双人惜别
siang-lâng sioh-pia̍t
伤心情话已经讲尽
siong-sim tsîng-uē í-king kóng tsīn
头犁犁
thâu luê-luê
海面波浪显悲伤
hái-bīn pho-lōng hián pi-siong
怨叹冷风一直吹
uàn-thàn líng-hong it-ti̍t tshue
咱互相著保重
lán hōo-siong tio̍h pó-tiōng
寂寞只几月
tsi̍k-bo̍k tsí kuí ge̍h
最后叫声心爱的
tsuè-āu kiò siann sim-ài--ê
你该早日开心花
lí kai tsá-ji̍t khui sim-hue