作词：李岩修
作曲：徐嘉良
口白：夜深了 空中朋友 恁最近好吗
今夜的风淡泊啊寒 就亲像阮现在的心晟
所以 思安想要介绍一首歌乎好朋友听 歌名是：爱的播音员
＊听到Radio中伊的声 惦惦讲出最近的心晟
伊讲伤心想要来点歌 点着一首怀念的情歌
＃啊～爱的播音员是伊的名 伤心的人拢知影
你哪是悲伤不知要讲乎谁人听 伊愿意替你来担
△Radio中阵阵的歌声 声声唱出伤心的心晟
播音员的心情谁知影 面对孤单夜夜置心痛
Repeat ＊,＃,△,＃,△
------------------------------------------
《爱的播音员》Ài ê Pòo-im-uân
陈思安Tân Su-an
↓↓---(口白)---↓↓
夜深矣
iā tshim--ah
空中朋友
khong-tiong pîng-iú
恁最近好无
lín tsuè-kīn hó--bô
今夜的风淡薄仔寒
kim-iā ê hong tām-po̍h-á kuânn
就亲像阮现在的心情
tō tshin-tshiūnn gún hiān-tsāi ê sim-tsiânn
所以思安想欲介绍一首歌
sóo-í Su-an siūnn-beh kài-siāu tsi̍t-siú kua
予好朋友听
hōo hó-pîng-iú thiann
歌名是爱的播音员
kua-miâ sī Ài ê Pòo-im-uân
↑↑---(口白)---↑↑
听着la-jí-ooh中伊的声
thiann-tio̍h la-jí-ooh tiong i ê siann
恬恬讲出最近的心情
tiām-tiām kóng-tshut tsuè-kīn ê sim-tsiânn
伊讲伤心
i kóng siong-sim
想欲来点歌
siūnn-beh lâi tiám-kua
点着一首怀念的情歌
tiám tio̍h tsi̍t siú huâi-liām ê tsîng-kua
啊~爱的播音员是伊的名
ah~ ài ê pòo-im-uân sī i ê miâ
伤心的人拢知影
siong-sim ê lâng lóng tsai-iánn
你若是悲伤
lí nā-sī pi-siong
毋知欲讲予啥人听
m̄-tsai beh kóng hōo siánn-lâng thiann
伊愿意替你来担
i guān-ì thè lí lâi tann
la-jí-ooh中阵阵的歌声
la-jí-ooh tiong tsūn-tsūn ê kua-siann
声声唱出
siann-siann tshiùnn-tshut
伤心的心情
siong-sim ê sim-tsiânn
播音员的心情谁知影
pòo-im-uân ê sim-tsîng siáng tsai-iánn
面对孤单
bīn-tuì koo-tuann
夜夜咧心疼
iā-iā teh sim thiànn