电影“卖身契”主题曲
作词：许冠杰/黎彼得
作曲：许冠杰
苏虾仔未出世 都去揾玉皇大帝
听佢讲番啲世俗条例
呖起张卖身契 起势咁拧头拧髻
好坐低听孤家讲出一切
喂 我要你架势 你梗一家富贵
我发起啷黎 会将你垫尸底 认真巴闭
签番张卖身契(卖身契)
搅掂笔入境费(仲要洗礼)
咁苏虾仔至准出世
苏虾仔大个左啦喂 识拍拖学人地曳
一次偷鸡喊亦无谓
番香闺论婚礼 俾八姑窒头窒势
好女婿 呢单认真襟计
喂 你咪当免费 走精面咪制(咪制)
我听钱驶 你好挖仓底 重要三牲酒礼
签番张卖身契(重要屋契)
搅掂笔外母费(杰过西米)
咁苏虾仔至准出世
香港地为生计 乜野都受人限制
睇报纸多多制度条例
加差饷电费水费 啲餸乜愈嚟愈贵
恩爱夫妻都顶心顶肺
喂 咪太过闭翳 瞓医院更贵(太贵)
养班马骝仔 有苦暗哑底 重要交足书簿费
一张张卖身契(卖身契)
枕住咁累你一世(做到甩肺)
唉 总之一句柯弥吉帝(柯弥柯弥吉帝)
一张张卖身契(卖身契)
枕住咁累你一世(做到甩肺)
唉 总之一句柯弥吉帝囉前世